Nekazaritza ekologikoaren abal edo etiketak zera ziurtatzen du: produktu hori baimendutako kontrol erakunde batek kontrolatutakoa dela.

         Nekazaritza Ekologikoaren zertifikazio sistemak, produktuen eta kalitate sistemen zertifikazioak bateratzen ditu. Baina batez ere, ekoizpen sistema ekologikoa zertifikatzen du, hori da guretzat interesgarria, eta produktuen eraldaketa ekologikoa ere bere baitan hartzen du.

         Elikagai bat ekologikoa, biologikoa edo organikoa izendatu ahal izateko arautegi bat dago. Arau hauek, batez ere produkzio erari dagokionean bereizten dira besteengandik. Nekazal sistemaren kudeaketa, produktuak prestatzeko modua, erabili behar diren hitzak eta etiketak, produktu hauen berezkotasun komertzialaren parte dira, hala nola produktuon ezaugarrien aitorpena.

         Espainian hainbat kontrol eta zertifikazio erakunde dago, eta baita operadoreen elkarteak. Batzuen zein besteen helburuak berdintsuak dira, nahiz eta ekoizpen, eraldaketa, kalitate politika eta abarrei dagozkien arauetan ezberdintasunik egon daitekeen.

Definizio interesgarri batzuk:

- Zertifikazio erakundeak: Erakunde publiko edo pribatuak izan daitezke, berezko izaera juridikodunak. Helburu honekin eratzen dira: eskatzailearen borondatez, enpresa, produktu, prozesu, zerbitzu edo pertsona batek, dagozkion arautegi edo zehaztasun teknikoetan jasotako betebeharrak betetzen dituela ziurtatzea.

- Aldaketa edo errekonbertsioa: nekazaritzako ohiko lanketa sistema batetik sistema ekologikora aldatzeko prozesua. Lanketa praktikak sistema ekologikoarekin bat datozenean hasten da. Lursail bakoitzeko kudeatzen da, eta erakundearen kontrolpean egon behar du.

CPAEN-NNPEK: Nafarroako Nekazal Produkzio Ekologikoaren Kontseilua.

CRAE: Nekazaritza Ekologikoaren Batzorde Arauemalearen Kontrol taldea

ES-VAS-AE: Adostasun identifikazioa. Europar Batasunak kontrol agintariari izendatutako kode ofiziala da. ES, Espainiari dagokio. VAS, Euskadiri. AE, Nekazaritza Ekologikoari (Agricultura Ecológica).